Kafe Torero (2015-01-29): Makala Jazz funk band

Atzokoan Makala (Mikel Unzurrunzaga) zarauztarra eta bere taldearen txanda izan zen Kafe Torero ekimenean, Euskalduna tabernan. Diska berria kaleratzeko denbora gutxi falta da, biniloak ere eskuartean omen dituzte iada, eta atzokoa motorrak berotzen joateko saioa izan zen, diska berria aurkezteko egingo dute biraren hasierakoa. Ikusleen artean aurpegi ezagun asko zeuden, eta adin guztietako jendea: haurrak, umeak, nerabeak, gazteak eta ez hain gazteak ere. 

Erritmo haundiko kontzertua izan zen, eta abestien artean ere atseden gutxi emateko asmoakin irten ziren zarauztarrak. Sarrerako abesti instrumental batzuen ondoren, Oihan taularatu zen, bere ahotsarekin taldeari beste tinbre bat emanez. Lehenengo abestiek oso erregistro agudoak zituzten, eta sailtasun batzuk izan zituen goiko notak ondo afinatzen (urduritasunagatik izan daiteke edo baita beroketa egin zuenetik denbora dexente pasa zelako). Hala ere, ondorengo abestietan argi gelditu zen hasierako arazo horiek puntualak izan zirela, eta hortik aurrera maila onean jardun zuen. 

Instrumentuen aldetik, Mikel baxuarekin eta Martin kitarrarekin oso txukun aritu ziren, baino musikarien kokapenagatik pentsatu zitekeen bezala, kontzertu guztia  norgehiagoka bat izan zen Ander eta Antxonen artean. Oholtzaren erdialdean, publikoari begira, Martin eta Mikel zeuden, ezkerrean Antxon teklatuekin Anderrei begira, eta eskuinean Ander bateriarekin Antxonei begira.  

Ander eta Antxon oso maila onean ibili ziren kontzertu guztian zehar, bai talde guztia jotzen ari zen uneetan, eta baita bakarkako saioetan ere. Gainera Ander bere musikari gaitasunez gain, makilekin akrobaziak egiten ere jardun zen (eta oraingoan ez zitzaion makilik ihesi jajaja).

Beste zerbait aipatzekotan, esan behar dut nire gustorako momentu batzuetan espresioko pedalaren erabileraz  abusatu egin zuela Antxonek, baino hau gusto kontu bat da, oso pertsonala.

Musikariek ere oso ondo pasa zutela ematen zuen, beraz, urtea hasteko modu ederra izan zen atzokoa Euskalduna tabernara gerturatu ginenentzat.   

2015eko urtarrilak 25, Amorante Garoa liburu dendan

Amorante Iban Urizar da, bere bakarkako proiektua defendatuz. Beste talde eta bakarlari batzuei laguntzen jardun ondoren, oraingoan bere laborategitik irtendako abestiak aurkezten ditu lehenengo pertsonan. Denbora falta omen zaio diskoa maitasunez prestatzeko, eta bitartean zuzenekoak ematen diardu, abesti batzuek itxita daudelarik eta beste batzuk oraindik itxi gabe, berak duen  inprobisatzeko gogoa praktikan jartzeko aukera ematen diotelarik.

Ikasketaz trompeta jolea, gaurkoan corneta, kanpaiak, gitarra espainola, harmonium indiarra eta ahotsa erabili ditu, efecto batzuekin batera.

Kontzertuaren hasiera sorpresa bat izan da. Iban Garoako sotoan hasi da kanpaia eta corneta jotzen, eta gora iritxitakoan Jon Maiak gaurko kontzerturako espreski idatzitako agur bat abestu du.  Ibanek adierazi du abestietako letrak idazteko ez duela trebezia haundirik, baino hori ordezkatzeko, balio haundiko lagunak dituela (Uxue Alberdi, Jon Maia, Danele Sarriugarte, Andoni Egaña, Maialen Lujanbio, …)

Abestiak euskaraz eta erderaz tartekatu ditu, eta erritmo eta doinuak ere oso ezberdinak izan dira (flamenkoa, kopla, musika kolonbiarra, indiarra, …). Laborategian ordu asko pasatakoa da Iban, eta horrek ematen dio aukera une bakoitzean ambiente ezberdinak prestatzeko bere instrumentu eta gailu elektronikoekin.

Aritzek hala eskatuta, abesti bat ere inprobisatu du, bere osabak idatzitako liburu batetik hartutako letrekin.

Benetan proiektu interesgarria Amoranterena, eta gaur Garoara gerturatutako guztiek horretaz gozatzeko aukera izan dugu. Baziren publikoan Ibanen familiko eta lagun batzuk (Rafa Rueda, Uxue Alberdi, …), eta gaurtik aurrera lagun gehiago ere izango dituzu gaur Garoan ezagututakoak.

Eskerrikasko Iban eta Garoa, horrelako ekimenez gozatzeko aukerak gure esku jartzeagatik.