Garoako Paperezko kontzertuak, NAPOKA IRIA 2014-12-28

Gaur abenduak 28 izan arren, Garoakek ez ziguten inozentada bat egin gaurko kontzertuarekin. Hiru hilabete pasa dira jakin genuenetik Napoka Iriak Garoako Paperezko kontzertuetan parte hartuko zuela, eta luzea egin zaigu itxaronaldia. Baino eguna iritxa da, eta kontzertuan izan eta gero, lasai esan dezakegu pena merezi izan duela hain luze zain egoteak.

Goiz hotza eta euritsua zegoen Zarautzen, eta horrelakoetan Garoakoek prestatzen duten harrera gaurkoan kalean ezin izan da egin, eta mahaia eta edalontziak barrukaldean prestatu dituzte.

Entzuleak, berriz, normalean baino urduriago, zerbait bereziaren testigu izango zirenaren esperoan. Eta jende artean, lasai lagunekin hitzegiten eta ardo beroa dastatzen, Miren eta Ander.

Ordua irixterako bakoitza bere tokian eserita zen, eta Aritzen aurkezpen motzaren ondoren, lehenengo abestia entzun dugu. Napoka Iriak bere ibilbidearen errepaso bat egin du gaurkoan, hasi lehenengo maketatik eta azkenengo diskorarte, “Arnasten ikasteko berriz”. Lehenengo maketako abesti bat jo dute, Kea, zuzenean grabatutako diskoko beste bat, atzerrian ikasterakoan konposatutako Poorstrat 58, azkenengo diskoko  Disonantziak, eta amaitzeko, arribitxi bat, Pearl Jam taldearen Society abestiaren bertsio bat.

Bikote honen bereizgarrietako bat beraien arteko konplizitatea da, eta gaur ere argi gelditu da. Bien arteko begiradak gurutzatzen direnean magia berezi bat sortzen da beren musikan. Eta entzuleek ere hori nabaritzen dugu.

Bidean kontatu dituzte beren hasierako kontuak, tabernetara joaten zirenean kitarra eskuan zutela baimena eskatuz bertan kontzertu bat emateko, Japoniara egindako lehenengo bidaia, zuzenean egindako disko grabaketa, eta azkenengo grabaketa Sarako estudioan. Hitzegiteko gogoarekin hurbildu dira Garoara, eta oso gertukoak agertu dira.

Entzuleek oso goiz atsegina pasa dugu, eta esango nuke Ander eta Miren ere gustora egon direla gure artean.

2015an Napoka Iriak 10. urteurrena ospatzen dutela eta festaren bat antolatu eta denok gonbidatzekotan gelditu dira.

Eskerrik asko beraz Napoka Iriari, eta Garoari ekimen hau antolatzeagatik. Jarraitu horrela.Gu hor izango gara parte hartzeko prest.

Tartean makrokontzertu bat

Normalean ez gara horrelako kontzertuetara gerturatzen, baino oraingoan horrela tokatu da. Lankide batzukin bilera bat amaitu eta Zurriolara hurbildu ginen Manu Chao-ren kontzertura.
Hasteko Tania de Sousak abestu zuen disko berria aurkeztuz, eta esan behar da lehenengo aldia zela bere proiektuarekin oholtza baten gainean azaltzen zena. Urduritasun pixkat nabarmena zen, baino jendea dantzatzeko prest zegoen eta ondo joan zen bere kontzertua.
Ondoren Skakeitan taldearen txanda izan zen, eta giroa gehiago berotzea lortu zuten, erritmo haundiko ikuskizunarekin. Baino jendea Manu Chao entzutera hurbildu zen, eta hura agertu zenean hasi zen benetako festa. Donostiko udalak esan zuenez, 60.000 pertsona bildu ziren Zurriolan Manu Chaoren kontzertua entzutera. Atsedenik gabeko kontzertu luzea jo zuten, eta tartean Mano Negra taldearekin ezagun egin ziren abesti batzuk ere bai.
Kontzertua amaitzeko Fermin Muguruza igo zen oholtzara, eta Dub Manifest, Gora Herria eta Sarri Sarri jo zituen, Manu Chaoren taldeko musikariekin, eta baita Skakeitan eta Tania de Sousakin ere.
Oso ondo pasa genuen, baino horrelako kasuetan konturatzen gara gehiago gozatzen dugula mikrokontzertuaetan, eta nahiago dugula musikarien gertutasuna.

Berriz ere aukeratzen

Aste hontan ere denetara ezin iritxi, eta berriz ere aukeratu egin behar. Ostegunean DOKA-n Obabafest ospatzen zen, Xabier Montoia eta Perlak taldeekin. Eta egun berdinean Zarauzko Kafe Toreron, Oliden's Band, atseden luzea hartu eta ekimen hontarako berriz ere elkartuta.

Aukera Oliden's Band izan zen, eta gau polita pasa genuen. Hasteko, Igor, Iñaki eta Andonik tabernan hasi zuten emanaldia zsarda batekin. Errumaniar taldetxo bat zirudien diru eske, baino ez zen horrela, ondoren hasiko zen kontzertuaren aurrerapen bat besterik ez zen, eta ongi etorria emateko modu bat ate ondoan zain zeuden hainbat laguneri.

Ondoren Euskaldunako jangelara sartu, eta kontzertua hasi zuten Antxon, Aitor eta Jexuxmai-kin batera. Oraingoan Tuti falta zen (duela gutxi aita izan eta nahiko lanpetuta omen dabil), eta Jexexmai ibili zen baxua eta kitarra tartekatzen. Beti bezala Iñaki ibili zen erritmoa azkartu naian, Igor erritmua jarraitzen saiatzen eta beste guztiak frenoa botatzen ahalegintzen. Aitorrek ere aspaldian bateria jo gabe ibili da, eta nahiko lan bazuen zati azkarretan erritmoa jarraitzen.

Errepertorioa bariatua osatu zuten, beti bezala, europar ekialdeko abestiekin, tango argentinar batekin, kubatar erritmoekin, israelgo abesti bat, etabar.

Ia kontzertuaren amaieran Iosu eta Iñigo Isasti gehitu ziren, jazz moduko abestiren bat jotzeko, eta baita "El trombón majadero" ere.

Oso atsegina izan zen kontzertua,  baino, DOKA-n izan zirenak ere oso ondo pasa omen zuten, eta entzuleen artean Maite Mursego ere ba omen zegoen, eta agian aukerak beste bat izan behar zuen. A zer enbidia!

Ostiralean, berriz, malekoiko txiringitoko denboraldia iriki zuen Makalak musika pintxatuz ilundu arte, eta Iñurritzan Kale Gorrian ekimenaren baitan Morau eta Beñardo, eta Pariak Bai taldeen kontzertuak izan ziren, eta giro ederra aprobetxatuz nahiko jende bildu zen saiotaz gozatzeko.

Trakas Trio en el Marina Txiki

A pesar de ser las fiestas de San Pelaio, Esteban se atrevió a programar un nuevo concierto de jazz en el Marina Txiki. Esta vez la propuesta era "Trakas Trio", y aunque no teníamos referencias del grupo por ese nombre,  nos acercamos al Marina Txiki dispuestos a disfrutar de la velada.

Para empezar bien la noche, la primera sorpresa al ver el equipo montado y los instrumentos fue que había una trompeta. ¿Quien sería el artista que la tocaría? En pocos minutos apareció por el local Juan De Diego, por lo que en ese momento ya supimos que la decisión de asistir a este concierto mereció la pena.

Juan de Diego es un trompetista nacido en Bilbao, pero afincado en Barcelona, donde ha desarrollado su carrera musical. Ayer presentó su disco Erbestean, que en muchos momentos nos recuerda al gran Dave Douglas. Tuvo ocasión de lucirse en varios solos, y aunque a veces el sonido del grupo no dejaba escuchar perfectamente a la trompeta, se pudo comprobar el buen gusto que tiene Juan a la hora de jugar con su trompeta.

Estuvo acompañado por LLorens Barcelo al teclado Hammond, y por Dani Dominguez  a la batería, que también dispusieron de suficientes ocasiones para mostrar sus cualidades, tanto en grupo como solos.

El público asistente pudo disfrutar de un agradable concierto, que con un descanso de quince minutos, llegó a durar cerca de hora y media.

Gracias a Esteban y al Marina Txiki por permitirnos disfrutar de artistas como estos.

Berriz ere aukeratu egin behar

Astebukaera iritxi, eta berriz ere aukeratu egin behar ostiral gaueko plana.

Alde batetik, Orioko kultur etxean, Igelaren bandaren kontzertua zegoen (Bixente, Amaiur eta Hasier, oso musiko onak), bestetik Rockumentalak ekimenaren barruan bi filme interesgarri Modelon, eta azkenik Salbide tabernan, Perlak taldearen kontzertua.

Kontuan izanda guretzat Perlak taldea izan zela Udaberri Festeko talde sorpresa, eta Gaztea maketa lehiaketan epaimahaiak finalerako gonbidatu ziztuztela, Salbidera hurbildu ginen, beraiek post-punk bezala definitzen duten taldearen kontzertua entzutera (beste entzule batzuk berriz dark-indie-pop bezala definitu dituzte).

Oso kontzertu entretenigarria eta atsegina eman zuten, hasieran urduritasun pixkatekin, baino segituan lasaitu eta indartsu jardun zuten kontzertu guztian zehar. Oraindik ez dute kontzertu asko eman, baino segurtasuna hartzen doaz oholtzaren gainean. Errepertorio orekatua dute, baino oraindik motz samarra (jendeak abesti gehiago eskatu zituen kontzertu amaieran eta bi abesti gehiago abestu ziztuzten, bat berria, eta bestea lehen jotako bat). Pedalekin jolastea gustokoa dute, eta horrek aldaketa txikiak suposatzen ditu soinuan tarteka, baino ez dute abusatzen, eta hori eskertzen da.

Bestalde, azkenaldian estilo desberdinetako talde mordoa irtetzen ari da, eta horrek entzulearentzat aukerak ere zabaldu egiten ditu.

Besterik gabe, kontzertua amaitu eta etxera gustora itzultzeko moduan bukatu genuen gaua.

Tik Tara taldea estudioan da bigarren diska grabatzen

Azkenengo bi kontzertuak bertan behera utzi eta gero, Zumaian euriagatik eta Donostian arazo elektrikoengatik,  Tik Tara taldekoak egun hauetan estudioan sartu dira beraien bigarren diska grabatzeko asmoz, "Gora gerri askeak".

Gainera, disko honen grabaketa finantzatzeko, crowdfunding kanpaina bat zabalik dute: http://www.verkami.com/projects/8820-gora-gerri-askeak-nuevo-disco-de-tiktara

Sartu eta lagundu zuk ere.

Gora gerri askeak!

asteburua kontzertuz gainezka Zarautzen

Zer pentsatuko zenukete esaten badizuet astebukaera honetan kontzertu hauek izan direla Zarautzen: The Conservers, DjMakala, Imanol Epelde, Bide Ertzean, Low Riders, Petti, Tulsa, Xabier Montoia, Gabrielen Lekua (Rafa Rueda, Iban Urizar), The pains of being pure at heart.

Nozki, denetara irixtea ezinezkoa, batez ere, batzuk egun eta ordu berdinean zirelako.

Kultur mahaia duela gutxi osatu da Zarautzen, beraz, badute lan pixkat hau  koordinatzen, ea eskaintzak data ezberdinetara zabaltzen diren, horrela interesa dugunok  posible izango dugu ahalik eta ikuskizun gehienetara hurbiltzea.

Gauzak horrela, aukera egin behar, eta hauek izan dira entzundako kontzertuak:

1. hileko azken ostegunean, hilero bezala, eskaintza Euskalduna tabernan Kafe Toreron baitan. Kasu hontan The Conservers, Donostiko kontserbatorioko ikasleak jazz kontzertu bat emateko prest. Musiko asko zirenez, gitarristak tartekatzen joan ziren binaka, eta bateria eta baxuak kontzertu guztia jo zuten. Aipatzekoa "Stella by starlight" kantaren bertsioa, baino barkaezina horrelako kanta suabe batean  kitarraren konexioak ateratzen zuen soinua (ez zidan abestian kontzentratzen utzi).

2. ostiralean, berriz, entsaiotik etxera iritxi eta afaldu ondoren, Marina Txiki tabernara hurbildu nintzen Low Riders taldearen kontzertura. Giro ederra ipini zuten, eta aipatzekoa Nora gaztearen ahotsa egiten ari den eboluzioa, eta jarraitu beharrekoa, kontuan izanda 15 urte besterik ez dirtuela. Tamalez, kontzertua amaitu baino lehen, Modelo Aretora joan behar, hurrengo kontzertua hastera zioan eta.

3. Rockumentalak antolatzen duen taldeak beste opari bat zuen guretzat oraingoan, hasteko The Beatleseri buruzko pelikula bat, eta ondoren Tulsaren kontzertua. Tulsa taldekoek Beatlesen 6 edo 7 abestu zituzten, hori bai, bertsioak Tulsa estilora egokituta. Jendea gustora zegoen eta ez zuen etxera joan nahi. Propina bezala Julia abestu zuten, eta Mirenek esan bezala, Beatlesen abesti gehiago ez zutenez prestatuta, Tulsaren abestiak jotzen hasi ziren. Verano Avernokin bukatu zen kontzertua, Mirenen kitarraren soka bat hautsi ondoren abesti hau jotzen zuen bitartean. 

Eta igandean Garoako Paperezko kontzertuetara The pains of being pure at heart etortzekoak ziren 11.30tan kontzertua emateko, baino 14.00tan oraindik ez ziren iritxi. Pentsatzen dut berandu baino kontzertua ospatuko zela. Tamalez,  Garoa liburudendan tokia oso mugatua da, eta sarrerak beti agortuak egoten dira.

Hala ere, asteburu baterako nahiko kontzertu entzunda, atseden pixkat behar dut.

Hurrengo astebukaerako proposamena: ostirala ekainak 6, 22.30tan Salbide Tabernan, Perlak, oraintzu Gaztea maketa lehiaketako talde finalistetako bat.

2014ko ekainak 1: Blogaren aurkezpena eta ongi etorria

Kaixo lagunok:

ongi etorriak "Kostako mikrokontzertuak" izeneko blog berri honetara.

Nire asmoa da blog honetan Urola-kosta eta inguruetan ospatzen diren formatu txikiko kontzertu batzuen kronikak idaztea.

Betidanik gustatu izan zait kontzertuetara gerturatzea, eta hemen nire esperientzi eta iritziak azalduko ditut.

Espero dut zuen gustokoa izango dela.


Agur